Ternyata Masih Lebe Sadap Jaman Pak Harto

Ayo Ketawa! - Alo mo ka pasar 45, kong dia nae angkot dari Sario. Lantaran di muka masih kosong, Alo pili dudu dimuka dekat Om Sopir. Itu Om Sopir le dapalia so rupa om-om yang kira-kira sekitar 50 taong depe umur.

Dasar ni Alo lei suka bacirita, dia mulai angka cirita kong batanya pa ini Om Sopir...

Alo: "Om, so berapa Om pe anak?"
Om Sopir : "Kita pe anak ada ampa, dua so karja kong tu dua masi da skolah..."

Alo: "Ooo, Kong Om pe rumah dimana?"
Om Sopir : "Di Malalayang..."

Alo: "Ooo, ini angkot Om punya sandiri??"
Om Sopir : "Iyo noh, tape anak ada bili akang..."
.
Alo: "Ooo, mar ini ada kabar, BBM rupa mo nae noh, bagimana itu om?"
Om Sopir : "Iyo, so tu kita lagi bingo-bingo yaki ini..."

Alo : "Kalu bagitu skarang depe jaman nyanda sadap, beda deng dulu kang?"
Om Sopir : "Butul noh pa ngana, memang lebe sadap jaman Pak Harto dulu..."

Alo: "Haa?? Apa dang depe beda om, kiapa kong Om bilang sadap jaman Pak Harto?"
Om Sopir : "Jelas noh masih sadap, tu hari jaman Pak Harto dulu maitua masi muda masi poco-poco, mar skarang so fororo..."

Alo: (sambil garo kapala) "Ooo..." (www.ayoketawa.com)