Alo Pe Saudara di Dirlantas Deng Provost Polda

Ayo Ketawa! - Pas Alo lewat di pertigaan Citraland, Alo pe motor polisi swiping. Alo so bingo yaki lantaran dapa lupa bawa SIM deng STNK kong nda pake helm.

Polisi : "Selamat siang pak, mana SIM deng STNK?!!"
Alo : "Adoh, lupa bawa, komandan.."

Polisi : "Kalu bagitu ngana iko pa kita di pos, mo tilang pa ngana!"
Alo : "Adoh kasiang, tunggu dang komdan, kita mo telepon pa kita pe kakak di Provost deng kita pe ade di Dirlantas POLDA."

Dengar Alo bilang bagitu, polisi jadi takage.

Polisi : "Ah, butul so dorang di Provost deng di Polda?"
Alo : "Iyo, napa kita kase nomor telepon kong telepon kalu nda percaya."

Polisi : "Ya sudah, untung ngana Alo ada sudara di Polda deng di Provost. Pigi jo om."

Alo pe pigi, polisi jadi penasaran, kong ba telpon di nomor yang Alo da kase.

Polisi : "Selamat siang, benar nomor ini di Provost Polda?"
Suara Telepon : "Benar, pak!"

Polisi : "Izin pak, kalu boleh tau, ini di bagian apa?"
Suara Telepon : "Ini di KANTIN, pak, laju jo bapak mo pesan apa?"

Polisi dalam hati : "Keoooooodeeeeee, Alo dapa pa kita noh,  mo pesan roti Biongooo ada?" (www.ayoketawa.com)