Alo deng Ungke Pergi Berburu di Hutan

Ayo Ketawa! - Pagi-pagi Alo deng Ungke so baku pangge pi berburu, blum sampe di hutan, Ungke ular cobra so teto. Alo so bingo terpaksa Alo bawa lari ka puskesmas di kampung dekat hutan.

Alo : "Tolong akang dulu kita pe tamang ini ular babisa da teto....!!!"
Perawat : "Ado kasiang om, dokter so pulang mudik Lebaran..."

Alo : "Tolong akang jo kasiang, dia ini kita pe tamang bae.....!!!"
Perawat : "Bagini jo om, dokter so pulang kampung, kong skarang obat penawar racun ular le so abis. Jalan satu-satunya, om musti mo isap dimana itu ular pe bekas gigitan..."

Alo  (sambil ba pikir) : "Kalo bagitu biar jo kita pe tamang ini mampos...."
Perawat (bingo) : "Eh om bilang ini tamang bae, kiapa bicara bagitu..???"

Alo : "Iyoooo tamang tinggal tamang, mar masalahnya ini kita pe tamang ini ular da gigi di Panta kewode....!!!!!"
Perawat : "???????????!!!" (www.ayoketawa.com)