Nyong Siji... Ente Siji... Nyong Siji... Ente Siji

Ayo Ketawa! - Dalban karo Wanyad bengi-bengi peteng ndedet nyolong jeruk ning kebune wong, nembe olih setengah karung ana suara asu nggonggong, karna wedi konangan langsung kepontal-pontal ngenturit pada mlayu.

Anjog ngarep Gerbang Kuburan angker jeruke ana sing mrojol rong iji, tapi karena age-age pengin ngumpet ning kuburan akhire jeruk sing rigel mrojol di jor ora sempet di jukut (kendel temen kye maling loro, kuburan koh nganggo ngumpet).

Kira-kira wis aman, Dalban karo Wanyad mulai mbagi jeruk hasil nyolong:

”Nyong siji... Ente siji... Nyong siji... Ente siji... Nyong siji... Ente siji...”

Kaya kwe terus suarane nganti ana wong lewat arane Parmin. Parmin kaget, mandeg mlakune ... merinding ngrungu suara aneh sing arah njero kuburan angker:

”Nyong siji... Ente siji... Nyong siji... Ente siji... Nyong siji... Ente siji...”

Saking wedine Parmin mlayu nuju umah kyaine sing parek kuburan, karo nafas ngos-ngosan, muka pucet, dengkul meh copot, ndeprok ning ngarepe pak kyai mbari cerita yen deweke nembe ngrungu suara medi ning njero kuburan angker.

Pak Kyai melu penasaran, akhire ngejak Parmin mbalik indik-indik meng arah gerbang kuburan angker tapi ora wani mlebu. Sementara Parmin gemeteran ning mburi cekelan sarung kyaine.

Sing arah kuburan esih ana suara:

”Nyong siji... Ente siji... Nyong siji... Ente siji... Nyong siji... Ente siji...”

Parmin krisikan karo Kyaine: ”Kyai, nopo niku suara malekat ingkang saweg itung-itungan nyawa menungsa ingkang sampun di cabut ajeng dipun laporakan dumateng Gusti Alloh kyai?”
(Jere parmin mbari nggledeg kewedinen.)

"Mbuh aku dewe ora paham" jawabe pak kyai karo narik napas...

Ora suwe sing arah kuburan ana suara maning:

”kye wis rampung kabeh itung-itungane, saiki kari loro ning ngarep gerbang kuburan kae arep di jukut sapa? Nyong apa Ente?”

Pak Kyai karo Parmin pandeng-pandengan kaget:

"WAAAAAALAAAH... blai temenaannn... kyeta...!! "

Njimprak kaget, kyai karo Parmin mlempat kepleset kalen, mlayu sasatma keponthal-ponthal nganti sandale pedot, sarunge meh mlorot... (www.ayoketawa.com)