Hantu Manado Saling Curhat

Ayo Ketawa! - Dua Hantu asal Manado baku dapa di satu tempat, Saling curhat bagaimana kong dorang dua sampe mati.

Hantu 1 : "Ngana mati bagimana so?"
Hantu 2 : "Kita mati kedinginan.. ."

Hantu 1 : "Karna ....?"
Hantu 2 : "Kita ta kurung di kulkas noh..!!"

Hantu 1 : "Dohh.. soe ley ngana kang..."
Hantu 2 : "Noh kalo ngana, kyapa dang....?"

Hantu 1 : "Kita kwa anfal kong mati jantungan, gara-gara kita dapa riki kita pe bini bahugel... !!"
Hantu 2 : "Haah.. ??!!! bagimana bole?"

Hantu 1 : "Pas tu hari kita pulang capat dari kantor, kong kita lia ada laki-laki pe CD di muka pintu kamar... kita langsung nae darah... so butul dia bahugel... kita capat-capat langsung maso kamar, cuma ada kita pe maitua...., mar kita yakin kalo tu laki-laki da ba sambunyi..."
Hantu 2 : "Kong..??"

Hantu 1 : "Kong kita langsung ba ron cari pa dia,... kita putar satu rumah, sampe nae di loteng mar nda dapa... so hosa kong kita anfal... kambuh kita pe jantong kong mati noh......"

Hantu 2 langsung bataria : "Asataganaganteeeeng..!!! ngana dang kote itu... co ngana kwa da cari di kulkas... bagini tong 2 masih hidop".

Hantu 1 : "?!?!?!?!?!?" (www.ayoketawa.com)