Acara Anak Ni Ruas Nanaeng Marbagas

Ayo Ketawa! - Disada gareja naeng adong acara pamasu-masuon anak ni ruas nanaeng marbagas. Andorang so dimulai dope acara pamasu-masuon, masuk ma sahalak natua-tua tubagasan jala hundul di inganan naung diparade hian tu keluarga pengantin.

Mamereng i, didapothon sintua na manghobasi acarai ma natua-tua i.

"Santabi agak tupudi ma hamu inang, manang tu bangku naso adong dibaen goarna. Ai inganan ni keluarga namangoli on do annon dison." Inna sintua i.

Alai cuek do natua-tua i, paula so dibegei. Diulangi sintua i muse mandok tu natua-tua i sian jolo mamake mic. Alai tong dang olo natua-tua i pinda, malah gabe muruk natua-tuai.

Mamereng na masai didapothon sahalak ruas na asing ma natua-tua i jala marhusip tu ibana. Holan sae dihusiphon pintor pinda natua-tua i tupudi.

Gabe heran ma sintua sinangkin, disukkun ibana ma amanta namarhusip i.

"Aha do didok amang boasa pintor olo morot inang i?"
"Dang dileon mangan manang ise na hundul dison, holan ido hudok." (www.ayoketawa.com)