Mo Ba Bekeng Apa So Di Kamar Gelap?

Ayo Ketawa! - Satu malam, Alo ba telpon de pe cewek, Mince.

Alo : "Sayang, ngana ada dimana?"
Mince : "Di rumah kita sayang, kiapa..?"

Alo : "Sapa-sapa di rumah dang?!"
Mince : "Sunyi sayang, cuma kita sandiri le ini. Soalnya mama deng papa da pigi pesta.."

Alo : "Oh pas-pas le. OK dang, kita mo pigi pa ngana neh?"
Mince : "Eeh.... mo beking apa?!"

Alo : "Tunggu jo kwa..."

Alo langsung tutup telpon, kong meluncur pa Mince pe rumah. Nda lama, Alo so sampe pa Mince p rumah.

Alo : "Malam, sayang...!!"
Mince : "Malam, minjo maso ka dalam..."

Alo : "Mince, tutup tu pintu sayang, trus kunci neh..?!"
Mince : "Memang ada mo bekeng apa soh sayang?"

Alo : "Sudah, nda usah banyak ba tanya..."
Mince : "Iyo dang..."

Alo : "Skarang torang 2 pigi pa ngana p kamar..."

Mince : "Adoh, mo beking apa dikamar...?"

Alo : "Capat jo...!! Jang dulu banyak ba tanya.."
Mince (dalam hati) : "Adoh, jangan-jangan Alo mo minta jatah ini..."

So di dalam kamar.

Alo : "Sayang, kiapa bingo?! Tutup tu jendela trus lampu se mati.."
Mince : "Memang torang 2 mo beking apa soh sayang??"

Alo : "Lamu skali eeh... capat tutup tu jendela kwa.."
Mince : "Iyo... iyo..."

Alo : "Sini capat jo, nae di koyi..."
Mince : "Hah..??!!"

Alo : "Capat jo kwa, ba tutup deng sarong neh..."
Mince : "Iyo... ini sudah dang, skarang ngana mo beking apa...?"

Alo : "Ngana lia neh sayang, kita pe jam tangan boleh manyala kalo di gelap..."
Mince : "(⌒.−)＝★Anjing...!!!" (www.ayoketawa.com)